Në Gjermani, numri i të infektuarve po rritet më shpejt se verën e kaluar.

Gjermania pritet të përballet me një valë të re infeksionesh nga varianti Delta, pasi numrat kanë shënuar rritje dhe sipas mediave gjermane, të infektuarit janë kryesisht gjenerata më e re, transmeton portal arbresh.info

Instituti gjerman Robert Koch po jep përsëri alarminpasi numri i të infektuarve rishtas filloi të rritet më herët se gjatë verës së vitit 2020 dhe kjo rritje është shumë më e shpejtë.

Vetëm në 24 orët e fundit janë shënuar mbi 3 mijë raste me infeksion dhe janë regjistruar 24 vdekje.

Varianti Delta është duke u përhapur kryesisht te të rinjtë e moshës 20 deri në 24 vjeç.

“Rritja aktuale e të infektuarve mund të shihet kryesisht tek njerëzit e moshës 10 deri në 34 vjeç, megjithëse kjo tendencë mund të shihet edhe në grupin e njerëzve nën 49 vjeç,” tha instituti në një deklaratë. Tek personat më të vjetër se 55 vjeç, indeksi i të infektuarve të rinj është ende më pak se 10, megjithëse ka ndryshime të vogla./arbresh.info/